Full-Time JIF EKSEKUTIF OFISA (JEO) MO PAT-TAEM KOMISINA
Job Description
Gavman blong Vanuatu tru long Ministri blong Faenans mo Ekonomik Manejmen i wantem rikrutum wan Jif Eksekutif Ofisa (JEO) mo pat-taem Komisina long Vanuatu
Utilities Regulatory Authority (URA) mo i stap askem olgeta Ekspresen blong Intres blong posisen ia. Olgeta Ni-Vanuatu nomo oli save aplae from posisen ia.
Olgeta mein responsibiliti blong JEO mo pat-taem Komisina oli inklud be oli no limitim olgeta long ekonomik regulesen blong wota mo elektrisiti anda long ‘Utilities Regulatory Authority Act Namba 11 blong 2007’.
Abaot ‘Utilities Regulatory Authority’
URA i bin setap anda long “Utilities Regulatory Authority Act Namba 11 blong 2007”. Otoriti ia hemi indipenden long Gavman mo mein pepes blong hem i blong leftemap akses long sef, relaebol mo afodebol elektrisiti mo wota sevis, mo promotem olgeta long-tem intres blong olgeta konsiuma raon long Vanuatu. Moa long hemia, Otoriti i manejem olgeta komplen blong kastoma mo advaesem Gavman long olgeta isiu we oli rilet long elektrisiti mo wota. Anda long olgeta rul blong Konsesen Agrimen mo stret loa, Otoriti i riviu olgeta praes/tarif tu.
Olgeta mein skil:
Ni-Vanuatu JEO mo pat-taem Komisina i mas gat olgeta mein skil ia:
a. Wan man we i gat hae kwaliti wetem gudfala save long faenansol, ekonomik mo olgeta bisnis aplikesen we i rilet long olgeta yutiliti sevis we oli reguletem, spos i posibol long saed blong eneji, wota mo olgeta Petroleum prodak sekta;
b. Bigfala eksperiens, long nasonal mo intanasonal eria, long olgeta regulatori praktis espeseli long olgeta diveloping kaontri [Minimam blong 10 yia eksperiens];
c. Gat olgeta pas rekod blong pefomens blong hem long saed blong oganaesesen lidasip mo pablik administresen mo long saed blong manejem wan profesonal oganaesesen;
d. Gat abiliti blong kapasiti bilding, stekholda rilesensip manejmen wetem Gavman, praevet sekta mo pablik; gudfala andastaning blong elektrisiti, wota mo petroleum indastri, espeseli bakgraon long olgeta loa blong elektrisiti mo wota, olgeta loa blong petroleum, ekonomik, teknikol mo olgeta faenansol aplikesen;
e. Save long olgeta ki eria blong elektrisiti, wota, Liquified Petroleum Gas (LPG) regulesen, telekomunikesen, inkludum laesensing, disput resolusen, olgeta kompetisen isiu, monitaring blong praes, olgeta sefti mo relaeabiliti standed, olgeta praes/tarif, konsiuma proteksen mo kontrak administresen;
f. Gat save mo eksperiens blong elektrisiti, wota, telekomunikesen mo olgeta LPG sekta isiu long Saot Pasifik Rijen mo/o long olgeta narafala smol aelan ekonomik tu bae hemi gud tumas;
g. Soem se hem i gat eksperiens mo bakgraon long saed blong sivil litigesen mo/o judisol riviu blong eneji sekta, moa gud long olgeta sevis we oli reguletem; eksperiens long saed blong yusum mediesen blong stretem komplen/disput mo Altenet Disput Resolusen; mo
h. Hemi wan rikwaemen se hem i mas save gud English langwis (raet mo toktok) mo bae hemi gud tumas sipos hem i save French; mo gat save tu long Bislama langwis.
647 total views, 1 today