Contract HED, YUNIT BLONG KODINESEN BLONG DISASTA RIKAVARI
Job Description
Dipatmen blong Stratejik Polisi, Planing mo Eid Kodinesen (DSPPEK) long Ministri blong Praem Minista i gat ful risponsabiliti long ol efot blong disasta rikavari planing mo kodinesen. Insaed long DSPPEK, niufala Yunit blong Kodinesen blong ol Disasta Rikavari we i tes setap hemi stap lukaotem wan stret man o woman blong tekemap posisen ia:
Hed, Yunit blong Kodinesen blong Disasta Rikavari – Namba blong posisen – 024
– Level blong salari Ps 9.3 (VT: 3,623,500)
KRAETERIA WE OLI WANTEM:
Kwalifikesen
Masta: Loa O Ekonomiks O Komes O Pablik Administresen O Projek Manejmen O Disasta Rispons O semak fil
Eksperiens
Minimam 5-7 yia eksperiens long wan dona ejensi, NGO, Institusen blong Gavman we i wok long ol disasta/emejensi sekta
Wok we hemi save mekem
- Save lidim wan tim
- Gat olgeta skil we i divelop moa long saed blong raetem ol ripot mo mekem analisis
- Save manejem hem wan (save faenemaot mo karemaot ol narafala wok long ol taem we i no gat tumas wok)
- No fraet blong toktok long pablik
- Gat skil blong mekem negosiesen
- Gat skil blong stretem ol problem
- Gat skil blong yusum komputa (Microsoft Office Suite)
- Gat save long faenansol manejmen sistem blong gavman (SmartStream) bae hemi gud tumas
- Gat taem mo save karemaot wok we oli wantem
- Mas save Bislama mo Inglis; Franis bae i gud tumas
Kontrak hemi blong 2 yia mo oli save riniu bagegen o mekem pemanen apoemen taem we kontrak i finis.
Yu wandem moa infomesen konsenem wok ia plis no fraet blong toktok wetem Human Risos Ofisa long telefon namba: 22413; o imelem [email protected]
607 total views, 1 today